GHAZAL & Peotry

Ab to un ki yaad bhi aati nahin..

Ab to un ki yaad bhi aati nahin,

Kitni tanha ho gayin tanhaayiyan..

Ab kar ke faramosh to na’shaad karo ge..

Ab kar ke faramosh to na’shaad* karo ge,

Per hum jo na hon ge to bohat yaad karo ge..

Ab aa gaye hain aap to ata nahin hai yaad..

Ab aa gaye hain aap to ata nahin hai yaad,

Warna kuch hum ko aap se kehna zaroor tha..

Aap ka aitbaar kon kare..

Aap ka aitbaar kon kare,

Roz ka intizaar kon kare..

Aaney mein sada’a dair lagatey hi rahe tum..

Aaney mein sada’a dair lagatey hi rahe tum,

Jaatey rahe hum jaan se aatey hi rahe tum..

Mujhe to gham tha us ke bicharrne ka magar..

Mujhe to gham tha us ke bicharrne ka magar,

Woh hath malta raha umar bhar ganwaa ke mujhe..

Bohat hi saada hai tu aur zamaana ayyaar..

Bohat hi saada hai tu aur zamaana ayyaar*,

Khuda kare tujhe zamaney ki hawaa na lage..

Dushmano ki jafaa ka khauf nahin..

Dushmano ki jafaa ka khauf nahin,

Doston ki wafaa se dartey hain..

Bicharrne waley ne yeh na socha ho ga..

Bicharrne waley ne yeh na socha ho ga,

Aik do din nahi barson ki shanasaayi hai..

Aaj na hum se puchiye kaisa kamaal ho geya..

Aaj na hum se puchiye kaisa kamaal ho geya,

Hijar ke khauf mein rahe aur visaal ho geya..

Aag they ibtidaa-e-ishq mein hum..

Aag they ibtidaa-e-ishq mein hum,

Ho gaye khaak intehaa yeh hai..

Meri ruswaayi main woh bhi hain barabar ke sharik..

Meri ruswaayi main woh bhi hain barabar ke sharik,

Mere qissey mere yaaron ko sunaata kya hai..

Tum paas naheen ho to ajjab haal hai dil kaa..

Tum paas naheen ho to ajjab haal hai dil kaa,

Yoon jese main kuch rakh ke kahin bhool gayi hoon..

Tujh se bicharr ke hum bhi muqaddar ke ho gaye..

Tujh se bicharr ke hum bhi muqaddar ke ho gaye,

Phir jo bhi dar mila hai ussi dar ke ho gaye..

Tasveer maine maangi thi shokhi to dekhiye..

Tasveer maine maangi thi shokhi to dekhiye,

Ek phool us ne bhejj diya hai gulaab ka..

Humain ab kho ke kehta hai mujhe tum yaad atey ho..

Humain ab kho ke kehta hai mujhe tum yaad atey ho,

Kissi ka ho ke kehta hai mujhe tum yaad atey ho,

Samandar tha to zor-o-shor se lehrein bahaata tha,

Ab qatra qatra ho ke kehta hai mujhe tum yaad atey ho,

Beyaan karte jo hal-e-dil to yunhi muskuraa deta,

Ab wohi ro ke kehta hai mujhe tum yaad atey ho,

Na pooch tu us ki badnaseebi ka aalam,

Ke sab kuch kho ke kehta hai mujhe tum yaad atey ho..

Aj tu mehfil-e-yaraan pe hai maghroor bohat..

Aj tu mehfil-e-yaraan pe hai maghroor bohat,

Jab kabhi toot ke bikhre ga to yaad aon ga..

Hum to achey they, ab buray huye kese..

Hum to achey they, ab buray huye kese,

Khud to badley ho, beyaan to mat badlo..

Woh sath tha hamare, ya hum pas they un ke..

Woh sath tha hamare, ya hum pas they un ke,

Woh zindagi ke kuch din, ya zindagi thi kuch din..

Meine ashjaar pe likha hua dekha hai kahin..

Meine ashjaar* pe likha hua dekha hai kahin,

Phall na do ge to tumhe kaatt diya jaye ga..

Jahan se chali thi waheen pe kharri hoon..

Jahan se chali thi waheen pe kharri hoon,

Mein teri mohabbat ki aesi gharri hoon,

Tere hath mein thi mohabbat ki gurriya,

Jahan pe rakha tha waheen pe parri hoon,

Tujhe bhool janey ka socha tha lekin,

Barri dair tak aaj khud se larri hoon,

Tere sang barish mein chhatri ke neechey,

Mujhe yoon laga jese mein bhi jharri hoon,

Teri zaat se mein bhi mansoob ho kar,

Atoot ang hoon zindagi ki karri hoon,

Mera bachpna-pan hai mohabbat mein shamil,

Mohabbat mein qadd se zeyada barri hoon..

Kuch thokron ke baad samajhdaar ho gaye..

Kuch thokron ke baad samajhdaar ho gaye,
Ab dil ke mashwron per ammal nahin kartey..

Pehle us ne kya kaha, phir kya kaha..

Ab zara tafseel se aye qaasid*-e-khush’ruu bata,

Pehle us ne kya kaha, phir kya kaha, phir kya kaha..

Aashnaa dard se hona tha kisi taur humain..

Aashnaa dard se hona tha kisi taur humain,

Tu na milta to kisi aur se bichrre hotey..

Taluqaat ka aghaaz khoob hai lekin..

Taluqaat ka aghaaz khoob hai lekin,

Taluqaat ka anjaam bhi nazar mein rahe..

Tum sath ho to muqaddar pe hai hakoomat..

Tum sath ho to muqaddar pe hai hakoomat apni,

Bin tere zindagi ki aukaat hi kya hai..

Meri haar ka charcha hai….

Teri jeet se zeyada to,
Meri haar ka charcha hai..

Khawb ankhon se gaye, neend raton se gayi..

Khawb ankhon se gaye, neend raton se gayi,
Woh geya to ese laga zindagi hathon se gayi,

Sookhay they phool tere janey ke baad,
Ab to khushbuu bhi kitaabon se gayi,

Tere aney se barhti thi jo raftaar dharkan ki,
Ab to rawaani bhi meri saanson se gayi,

Kis daur mein mohabbat ko ilzaam dete ho,
Jis daur mein hayaa bhi hijaabon se gayi..

Teri wazaahat mein sadaqat nahi lagti..

Ab teri wazaahat mein sadaqat* nahi lagti,
Ab apni mohabbat ki safaayi na diya kar..

Batao na! kese tumhe bhulaaon,
Tum to waqif ho iss hunar se..

Tumhare hath ki dastak ki aas mein..

Tumhare hath ki dastak ki aas mein Mohsin,
Main apne ghar se kahin bhi nahin geya barson..

Jab se usey azeez huyi meri zindagi..

Jab se usey azeez huyi meri zindagi,
Mein apni zindagi ki dua mangne laga..

Woh khul kar na ro saka ho ga..

Hajoom mein tha, woh khul kar na ro saka ho ga,
Magar yakeen hai ke shab bhar na so saka ho ga..

Ashk se ankhon mein kyun hain aye huye..

Phir aj ashk se ankhon mein kyun hain aye huye,
Guzar geya hai zamaana tujhe bhulaaye huye..

Ro parra hoon to koi baat hi aesi ho gi..

Ro parra hoon to koi baat hi aesi ho gi,
Main ke waqif tha tere hijr ke adaab se bhi..

Aana to khafaa ana, jana to rulaa jana..

Aana to khafaa ana, jana to rulaa jana,
Aana bhi to kya ana, jana bhi to kya jana..

In ko Nasir na kabhi ankh se girne dena..

In ko Nasir na kabhi ankh se girne dena,
Un ko lagte hain meri ankh mein pyare aansu..

Kaash ke tum mere hote..

Kaash ke tum mere hote,
Kaash yeh alfaz tere hote..

Zindagi tere taaqub mein yeh log..

Zindagi tere taaqub mein yeh log,
Itna chalte hain, ke mar jatey hain..

Sundar, komal sapnon ki baraat guzar gayi jaana..

Sundar, komal sapnon ki baraat guzar gayi jaana,
Dhoop ankhon tak aa pohanchi hai, raat guzar gayi jana,

Bhanwar samay tak jis ne humain baaham uljhaaye rakha,
Woh albeli resham aesi baat guzar gayi jaana,

Sadaa ki dekhi raat humain is baar mili to chupkay se,
Khaali hath pe rakh ke kya soghaat guzar gayi jaana,

Kis kompal ki aas mein ab tak wese hi sarsabz ho tum,
Ab to dhoop ka mausam hai, barsaat guzar gayi jaana..

Judaa huye bohat log eik tum bhi sahii..

Judaa huye bohat log eik tum bhi sahii,

Itni si baat par kya zindagi haraam karen..